Gizli kilsə: Hazırlanması. Qurulması. Yaşaması.

İndi dünyada kilsələr üçün mümkün qədər böyük, mərkəzləşdirilmiş və peşəkar şəkildə böyüməyin bir çox üstünlükləri var. Bu sistem onilliklərdir kilsənin böyüməsinə təkan vermişdir.

Lakin həyat dünyanın hər yerində məsihçilər üçün sürətlə dəyişir. Hökumətlər kilsənin mesajını getdikcə məhdudlaşdırırlar. Geniş ictimaiyyət kilsəni getdikcə nifrət yayan və azadlığı məhdudlaşdıran təhlükəli bir zülmkar kimi təsvir edir. Bu proses məsihçiləri kilsənin əsas inanclarını yenidən nəzərdən keçirməyə məcbur edir. Müqavimət göstərən kilsələr istehza, məhdudiyyət, cəza və təcridlə üzləşirlər.

Əvvəlki dövrdə böyük, mərkəzləşdirilmiş və peşəkar kilsələrin çiçəklənməsi üçün çox imkanlar var idi, lakin indiki dövrdə onlar çətinliklə inkişaf edirlər. Bu kitabın məqsədi pastorlara, kilsə rəhbərlərinə və adi məsihçilərə gizli kilsələr qurmağa və mövcud kilsələri gizli kilsələrə keçirməyə kömək etməkdir.

Azad dünyada kilsəyə qarşı düşmənçilik 40 ildən çox əvvəl “Şəhidlərin səsi” təşkilatının qurucusu möhtərəm Riçard Vurmbrand tərəfindən proqnozlaşdırılmışdır. O, kilsənin gələcək çətinliklərə hazırlaşmasına kömək etmək üçün bu kitabın bir hissəsini yazmışdır.