Allahi Razi Salan İman

İman nədir?

İman olmadan Allahı razı salmaq qeyri-mümkündür... (İbranilərə məktub 11:6)

İbranilərə məktubun 11-ci fəslinə “İman qəhrəmanları fəsli” də deyilir. Habil, Nuh, İbrahim, Musa kimi adamlar öz imanları ilə Allahı razı saldıqları üçün iman qəhrəmanı adına layiq görüldülər. İmanla yaşamağın ən parlaq nümunəsi İsa Məsih Özüdür. İsa Məsihin “Bəşər Oğlu gələndə yer üzündə iman tapacaqmı?” (Luka Müjdəsi 18:8) sualı bu gün bizə yönəlmişdir. O istəyir ki, biz də iman qəhrəmanları olaq. Qeyri-adi şücaəti, mərdliyi göstərənlərə qəhrəman deyirlər. Allaha imanımız da beləcə qeyri-adi olmalıdır. Gəlin, biz də cəsarətlə iman yolunu tutaq! İmanımız artsın və Rəbbimiz bizdən razı qalsın!