Allahın Şahidi: Stefanın cəsarəti

Atılan daşlar Stefana dəyəndə ayağı büdrədi. “Onu öldürün! Onu birdəfəlik susdurun!” — deyə camaat qışqırırdı.

Stefan isə onlara qarşı qəzəbli deyildi və qorxmurdu, ksinə, o dua edirdi.

“İsa, ruhumu qəbul et!” — deyə o, Allaha yalvardı. Stefan dizüstə düşdü və izdihama üzünü tutaraq ucadan dedi: “Ya Rəbb, bunu onlara günah sayma!” Stefan ümid edirdi ki, onu təqib edənlər bu sözləri eşidəcəklər. Nəhayət, axırıncı atılan daş Stefana dəydi və o, son nəfəsini verərək gözlərini əbədi yumdu.

İsa göylərə qalxdıqdan sonra Müjdə uğrunda həyatını itirən ilk şagird Stefan idi. O, iman və Müqəddəs Ruhla dolu bir həyat yaşayaraq möcüzələr törədirdi və başqalarına İsa haqqında cəsarətlə danışırdı. Stefan insanları çox məharətlə İsa ilə tanış edə bilirdi, buna görə də yəhudi dini rəhbərlər onu susdurmaq istədilər. Amma onlar tezliklə bunun səhv addım olduğunu anladılar, çünki Stefanın öz imanını cəsarətlə bölüşməsi Müjdənin Yerusəlimdən kənarlara yayılmasına səbəb oldu.

“Allahın Şahidi: Stefanın cəsarəti” kitabı uşaqları və böyükləri İsa Məsih barədə cəsarətlə danışmağa ruhlandırmaq üçün yazılıb. Rəbb uğrunda müqavimətlə üzləşərkən bu kitab onlara Müqəddəs Ruhun gücünü xatırladacaq.